Life - Jeevan

Life is a quiz. Until solved .. you are perplexed .. till solved .. you are busy .. and that business is life
... in that busy period .. how you act .
 How u react .. how u engrossed .. thats the life ....

Kal raat ko
Ghar ke balkoni se dekha
Road par aate jate traffic
Roj ki tarah
Par aaj ka nazar kuchh aur tha
Roj mai bhi hota hu
Traffic ka hissa
Kitna chil po
Dhum dham
Ye awaz wo awaz
Bazar ki ranginiya
Sarak ke dhul
Bazar ki pareshani
Usme bjagte log
Dhamkam dhuka
Kabhi Haafte ghar aate
Kabhi mauj manate aate
Kabhi yuhi bag latkaye
Kabhi baki kaamo ke sath
Kabhi koi bakaya kaam nahi
Bas jo hoga kal kaam
Dekh liya jayega
Aaj aisa bhi soch nahi
Man ekdam shant
Dil ekdam chupchap
Bas dekhne ko dil karta
Bina kuchh dimag lagaye

Kitna dube huye log dikhte
Aur mai yaha muskura raha hu
Dil hi dil me kah raha hu
Aaj mai sadak ke traffic me nahi
aaj mai zindagi ke traffic me nahi
Mai akela apni tanhai ke sath
Kitna shant lagta hai
Kitna nirav lagta hai
Kitna alag alag lagta hai
na khone ka gam
Na pane ka lobh
na jine ki chah
na marne ka gam
Sab saman lagta hai
Sage sambandhi bhi
Bas ek hath ki duri par dikhte
Koi oot prot nahi
abhi koi apsara bhi aa jay
to bas kah sakta ki
Uske kaun kaun ang achche hain
Lekin usme khona jaisa kuchh nahi
Prakriti ki bhav bhangima
Bas dikhti hai
Khone ko dil nahi karta
Mai alag .. prakriti alag
Fir bhi hun .. prakriti me

Tabhi bachcho ne bola
garba me chale
mela dekhenge
Ye khayenge
Wo dekhenge
Mai muskura raha tha
Soch raha tha
Sachmuch prakriti me khona
Jivan me dube rahna hi zindagi hai
Uski ranginiyon me khona
Uski tufano ko jhelna
Uski trango ko chhuna
Usper atkheliyan karna
Yahi to zindagi hai
Par mai nahi kho pa raha hu
Aaj in ranginiyon me
Jaise purin ka pata
Pani me dubkar bhi
Pani me nahi bhingta
Pani se bahar jaise hi nikalo
Wah sukha rahta
Pani ke lagne jaisa prabhav
Patte par nahi dikhta
Mai bhi waisa hi
mahsoos kar raha hun
Zindagi rupi pani me duba hua hu
Pat zindagi ka pani nahi lag raha
Abhi koi chikoti bhi kate
To muskurayega
Uff nahi karega
Ghabrayega nahi
Sab drasta bhav me dikh raha hai
na lobh kisi chiz ka
Na moh kisi chiz se
Na kaam ki ashakti
Na krodh kisi pe
Na ahankar bhi hai
Ki mai ye hun..wo hu..
Itna jaan raha hu
Kewal itna ahm bacha hai
Ki mai likh pa raha hun

Garba me jakar dekha
Dhum hi dhum the
Dhol nagare baj rahe the
ranginya koot koot kar thi
sabke chehre par raunak hi raunak
Ramniya sab mast thi
koi solah shringar
Koi bas naya paridhan pahne huye
bachcho ki kilkariya
Hansi thothole
kisi ne kuchh chutkula sunaya
Sab ke sath mai bhi hansa
Par ander shant shant
Uss kolahal me bhi
ek shant talav ki tarah
agar koi kankar gire
To mai gin ke bata du
Kitne tarang uthe hain
Kitne hilkoron ne
kendra se lekar
kinare tak ka safar
tai kiya hai
dekha garba me nachte huye
Logo ko .. bachcho ko..
Ramniyon ko..sab umr ke logo ko
sab khoye huye us raag rang me
Par mai ek dam shant
na awaz pareshan kar raha tha
Na ramniya dhamniya jaga rahi thi
menka bhi aati to aaj pass nahi hoti
Mai shant .. mai nirav
mai bas avlokan kar raha hun
dil hi dil me bol raha hu
Dekho wo kaisa khoya hai
Dekho us ramni ko
Kitna shringar ki hai
dekho us ladke ko
us ramni se aankh mila raha hai
ramni bhi muskura rahi hai
Apne ango ko dikha rahi hai
Ladke ke chehre damak rahe hai
Wah bhi taal me taal mila raha hai
Sab muskura rahe hain
Pahle aur aaj ki tulna me
mujhme kitna anter hai
mai un ramniyo me
kho bhi nahi raha
Jaise har koi kho raha hai
Aaj purush aur prakriti
dono alag alag dikh rahe hai
Mai bas kinare khada khada
sab ki isthiti bhamp raha hu
Koi mujhe lubha nahi pa raha
bas mai shant aur ander se shant
Jivan kya hai
Samjh raha tha
Aur aaj mujge ye bhan hua
Purush aur prakriti
ye jivan dete..
jivan me ramte
Jivan me ramate
Jabtak agyan hai
tab hi jivan me ramta hai
Jab gyan aa jata
Jivan wah jivan nahi rahta
Bas shant..nirav..nischal hota